المساعد الشخصي الرقمي

مشاهدة النسخة كاملة : الى ساميه الرميح مديرة ادارة البعثات بالتعليم العالي


عبداللـه
15-10-2008, 03:14 PM
العزيزه ساميه الرميح
بعد التحيه
نحن ابنائك وبناتك الطلبه ازعجنا مآآلت اليه ادراة البعثات من تخبط ادراي واضح للعيان وكم كنت اتمنى ان تخرجي من مكتبك يوم الثلاثاء 14/10/2008 والوقوف على الوضع المأساوي في المبني التابع لادارتك(مبني 4)كي ترين مايقارب مئتين طالب تم حشرهم في المدخل والانتظار بالدور طبعا بدون ارقام مجرد تسجل اسمك عند الموظف الواقف عند الباب وانتظر ينادي بالاسم (خوش طريقه) حتى يتخيل لك انك في احدى دول شرق اسيا وكل هذا الانتظار من اجل ان تدخل الى ادارة البعثات وتاخذ ورقه مختومه باسم الموظفه تسمح لك ان تدخل الى الموظفين في الصاله المقابله وتنجز عملك عندهم
صدقيني ان احد الاخوه كل هدف مراجعته ان يسال عن الجامعات المعتمده فعندما حاول الدخول سال الموظفه قالت له وبنفس خايسه لو تنام في الصاله ماراح اجاوبك الا لما تجيب ورقه مختومه من الموظفين في الصاله الخارجيه
دكتورتنا العزيزه نحن لانريد الفوضى ونحب النظام ولكن ليس النظام بطريقة ادارتكم افتحو صاله خاصه لانتظار الطلبه وكاونترات موظفين ووزعو الارقام بطريقه حضاريه والكل سوف يلتزم بالدور نريد حسن المعامله من الموظفين والقائمين في ادارتك.
كما انه توجد نقطه مهمه وهي عملية الروتين يعني اذا كان الطالب يريد اجازه دراسيه او اعتماد قبول من جامعه معينه يجب عليه الانتظار مايقارب شهر كامل وخلال هالشهر ادارة البعثات تكتب اعتماد التوقيع لمدة اسبوع!!
والتوقيع من المدير اسبوع اخر!!
ومراسلة المكتب الثقافي التابع للكويت بالدوله التي توجد بها الجامعه ايضا اسبوع اخر
ومخاطبة وزارة التعليم للدوله التابع لها الجامعه ياخذ اسبوع
يعني حسبة شهر او شهر ونص كلها روتين ومراسلات , يعني دكتوره بنظرنا لو تتم المراسلات بالفاكس اليس افضل واسرع.

AL7ZEM
17-10-2008, 01:31 AM
السلام عليكم ورحمة الله وبركاته
الصراحة انا اشكرك على طرح هالموضوع واتمنى الدكتورة تتطلع على موضوعك
واحب اضيفلك انها تدري عن جميع ما يصير عندها ..............................والشغل عندها دايم متعطل وتطلع منها قرارات كلها ضد الطلبة والموظفات قاموا يسوون مثلها لكن اخوي انا حصلي موقف معاهم وغثوني وقمت وشخطت فيهم وهددتهم بالدكتورة الشيخه رشا الصباح وصاروا خوش اوادم وخلصوني فانصحك اذا تبي شي منهم عل صوتك وترا انا عمري فوق الثلاثين مو مراهق بس عرفتلهم
وعشان تتأكد .................شوف سكرتاريتها جم وحده م1 المهم الله يعينك ويوفقك
تقبل مروري
طالب بالمعادي سنة رابعه ......

مزووون
17-10-2008, 01:49 AM
ويقولون

ليش يقولون لنا دول العالم الثالث و مانصير من الدول الناميه ،،،

لأن في بلدنا من هالنوعيات ،،

وعمرهم ماراح ينمون فكرهم وقيمهم بمكارم الأخلاق ،،

ويقولووووون وزارة التعليم العالي ،،،،،،،،،،،

عبداللـه
17-10-2008, 02:22 AM
AL7ZEM حياك الله
بس ياخوي من وين لها وقت تنزل ................وتشوف شنو صاير سواء بادارتها او بالمنتدى هني
والله ياخي الموظفات عندهم ماهمهم والله منو لدرجة وحده تقول لواحد اذا مو عاجبك كلامي روح وين ماتبي لو توصل لمديرة الاداره ياخي والله شي يحز بالنفس لما تشوف هالمناظر وتسمع هالحجي
تحياتي..لك والف شكر لتواصلك

عبداللـه
17-10-2008, 02:25 AM
ويقولون

ليش يقولون لنا دول العالم الثالث و مانصير من الدول الناميه ،،،

لأن في بلدنا من هالنوعيات ،،

وعمرهم ماراح ينمون فكرهم وقيمهم بمكارم الأخلاق ،،

ويقولووووون وزارة التعليم العالي ،،،،،،،،،،،

اخت مزون الف شكر لمرورج
الكرسي يغري والفكر محدود شلون تبين نتقدم اقولج دور بالاسامي بالله وين خبرج بهالسالفه حتى المستوصف الحين يعطونك رقم وتنطر دورك نفس العالم

baby_sweet
17-10-2008, 02:27 AM
الشكــــــــــــــــــــــــــوى لله يااااااااااااااااااااالله تستجاب دعائنا وتيسر امورناااا :)
ترااناا مليناا من التحطلم 000 ماغير نتحلطم على بعض 000
الله يعينا عليهم :(

عبداللـه
17-10-2008, 02:33 AM
هلا baby_sweet
يااختي شتبيني نسوي الشكوى لغير الله مذله لكن نقول على وعسى عضو مجلس امه او وزير يطلع على مواضيعنا ويتحرك
الف شوووووكر لمرورج الرائع

عبدالله فيروز
17-10-2008, 10:07 AM
الله يعين كل مسؤول الى ما فيه الصواب

حمد بن الكويت
17-10-2008, 12:14 PM
نعم الشكوى لغير الله مذله لكن فيه طريقه ثانيه انك تشتكي عليهم عند الدكتوره رشا الصباح وهي اذا لك حق بطلع لك من عيونهم

عبداللـه
17-10-2008, 12:26 PM
اخوي عبدالله
الف شوووكر لمرورك

عبداللـه
17-10-2008, 12:27 PM
اخوي حمد الف شكر لمرورك
بس ترى المبني الي اتكلم عنه مايفرق عن المبني الي فيه الوكيله الا مبنى واحد او اثنين ومانبي نلوم الوكيله لانها الاسبوع الي طاف كانت اجازه بس اعتقد انهم متعودين عن هالشغله يعني الوكيله ماتدري عن شي

AL7ZEM
17-10-2008, 06:22 PM
السلام عليكم ورحمة الله وبركاته
ياجماعه خوذوها مني انته لك حق وحاجه لا تتراخى معاهم شخط وروح المديرة الدكتورة وعطها من الكلام اللي يهز البدن ومالك شغل اذا كبرت السالفه الموضوع بيروح للكتوره رشا الصباح واهيا بتجيب حقك وسالفة الاعضاء ولا الوزيرة ترا محد يمكم ولا درا عنكم وقاعد تصير مساومات على حسابكم عشان جذي شخط تاخذ حقك بالتعليم العالي وترا رئيسة القسم مو مواهب الثانية ماسكة بالوكالة حدها شايفه عمرها بس انته اي موضوع تبيه سوة عندهم انهم حاقدين عليك ومن هلاسلوب راح يخافون والله تدرون ليش مشيت اخر معامله شلون رحت حق الدكتوره وقتلها ليش عشان احنا بدو واكثروا البدو طلعتوا هالقرارات والموظفات مالهم خلق ولا يردون على احد وهالشي اكيد من توصياتكم لهم جان تخق وقالت لا مو جذي الموضوع بس انا شديت على هالنغمه وماتبي الا السلامه اخر شي شنو تبي اخوي م1 وخلصت معاملتي

عبداللـه
18-10-2008, 01:22 PM
AL7ZEM
باجر بروح وبشخط فيهم بس ترى اذا وقفو شغلي ماعرفك الا انت ههههههههههههه
الف شووكر على مرورك

AL7ZEM
18-10-2008, 03:37 PM
اوكي روح واذا ماخلصوك انا اروح اشخط فيهم م1
بالتوفيق انشاءالله

net1
23-10-2008, 11:28 PM
صح الى يروح اهناك ويعلى صوته ويصارخ ويسوي لويه يمشوونه على طوول اما المحترم والى ناطر الدور ويمشي على القانون يدوخوونه ويعطلونه

عبداللـه
23-10-2008, 11:44 PM
net1 رايك على العين والراس
والف شكر لمرورك اخوي

وسف حسن الدوخي
24-12-2009, 08:35 AM
د. سامية / صباح الخير ..

هل يعقل ان تكون الامتحانات لعدد 5 مواد اسبوعين ؟ اين التنظيم والترتيب للطلبة؟ مع العلم ان اغلب الطلبة يعملون سواء في الحكومة او قطاع الخاص.
الرجاء التكرم بالتنسيق والنظر في معانات هؤلاء الطلبة ،، كل ما زادت الفترة زادت المصاريف ، اعتقد يجب ان تكون هناك دراسة اكثر وتنسيق اكبر لمواعيد الامتحانات التي لا يعلمها الطلبة الا قبل فترة قصيرة من الاختبارات
وشكرا

سعود
24-12-2009, 09:23 AM
اشكر اخوي الدوخي وانا مع راية لماذا لم يتم التنسيق ولماذا لانعلم مواعيد الاختبارات الا قبلها بايام يرجي التوضيح
من الاخت د/ ساميه للاهمية ولا يترك الامر سدى كالعادة


وشكر

ساميه العازمي
24-12-2009, 09:57 AM
م8م8م8م8
تسلم يالدوخى000 ويسلم اللسان الحر

انتقاد فعال

لاحرمناك
اختك: ساميهم9م9

muhammad
28-12-2009, 07:47 PM
سامية رميح مو دكتورة !!
شسالفه! الشهادات صارت ببلاش؟

و بعدين ماظن انهم بيهتمون ولا بيعبرونكم بشي!

الشكوه لغير الله مذله
حسبنا الله و نعم الوكيل فيهم و في أمثالهم

Finder
29-12-2009, 01:52 AM
موضوع قديم ..
يغلق